Бо пешниҳоди Хадамоти зиддиинҳисории Тоҷикистон нархи маҳсулоти нафтӣ, аз ҷумла газу бензин ва солярка дар бозорҳои кишвар 10 дар сад поин оварда шуд.
Пулиси Русия дастикам 30 роҳрӯбро, ки бо шикоят аз пардохт нашудани соатҳои изофии корӣ дар назди идораи ҳокимияти ноҳияи Нагорний ҷамъ шуда буданд, боздошт кард. Роҳрӯбҳо мегӯянд, ки онҳоро маҷбур мекунанд, ба ҷойи кормандони буҷавӣ кӯчаҳоро аз барф тоза кунанд, аммо пул намедиҳанд. Ба гуфтаи ин коргарон, вазифаи онҳо танҳо аз тоза кардани ҳавлии биноҳо иборат аст, на поккории кӯчаҳо. Пойгоҳи "ОВД-Инфо" рӯзи 29-уми декабр хабар дод, ки раиси Шӯрои ноҳия бо эътирозгарон мулоқот кард. Варвара Грязнова... Читать дальше...
Федератсияи футболи Тоҷикистон (ФФТ) барандагони ҷоизаҳои инфиродиро аз рӯи натиҷагирии мавсими соли 2018 эълон кард.
Як шаҳрванди Тоҷикистон шикоят кардааст, ки дар боздоштгоҳи Адигея – минтақаи мусалмоннишин дар Қафқози Русия – ӯро ба нерӯи барқ гузошта ва шиканҷа додаанд.
Коҳиши нархи маводи сӯхт дар Тоҷикистон, ҳамлаи марди сезана ба яке аз ҳамсаронаш дар Самарқанд, азияти шаҳрванди Тоҷикистон дар ҷумҳурии Адигеяи Русия, ҳамлаи дубора ба блогери тоҷик Саша Массква ва қутоспарварӣ дар Қирғизистон.
Нерӯҳои президенти Сурия Башор Асад рӯзи ҷумъа ба шаҳри шимолии Манбиҷ ворид шуданд, ки муддати тӯлонӣ таҳти назорати дастаҳои худдифои Курд буд. Дар изҳороти фармондеҳии Сурия гуфта мешавад, ки нерӯҳо дар заминаи созиши пешакӣ бо Курдҳо "барои ҳимояи аҳолӣ" аз ҳамлаи Туркия ба Манбиҷ ворид шуданд. Тибқи хабарҳо дар шаҳр парчами Сурия баланд шудааст. Пештар аз ин фармондеҳии дастаҳои Курд аз хуруҷи Манбиҷ хабар дод ва нерӯҳои Сурияро расман ба шаҳр даъват кард. Кремл аз гузаштани шаҳр ба назорати нерӯҳои Асад истиқбол кард. Читать дальше...
Ҳоло фақат як зан – вазири меҳнату муҳоҷират Сумангул Тағойзода – узви ҳукумати Тоҷикистон аст. Боқимонда 20 узви дигари ҳукумат марданд.
Мақомоти Афғонистон раҳбари Федератсияи футболро дар заминаи иттиҳоми озори ҷинсӣ ва ҷисмонии бозигарони зан, дар гузашта ва ҳоло, мамнӯъулхуруҷ эълон карданд. Додситони кулли ин кишвар рӯзи 28 декабр эълон кард, ки раҳбари Федератсияи футбол Киромиддин Карим ва чаҳор узви федератсия ҳақ надоранд аз кишвар хориҷ шаванд. Додситонии кулли Афғонистон рӯзи 5 декабр, чанд рӯз баъди нашри матлаби The Guardian, дар робита ба озори ҷинсии занҳои футболбози Афғонистон, ин панҷ нафарро аз мақом барканор ва ба таҳқиқи қазия оғоз кард. Читать дальше...
Мусоҳибаи ахири вазири умури хориҷии Эрон Муҳаммадҷавод Зариф бо як расонаи фаронсавӣ, ки гуфт, мақомоти кишвараш ҳеҷ гоҳ шиори "нобудии Исроил"-ро сар надодаанд, сару садоҳоеро дар расонаҳо ба миён овард.
Вакилони Ҷохар Тсарнаев - ҳамлагари марафони Бостон, аз додгоҳ дархост карданд, ки ҳукми қатли зерҳимояи онҳо бекор шавад, зеро ба гуфтаи вакилон баргузор шудани мурофиа дар макони ҳамлаи террористии моҳи апрели соли 2013 баррасии мунсифонаи қазияро ғайриимкон кард. Вакилони Тсарнаев рӯзи 27 декабр бо ироаи дархости худ ба додгоҳи Бостон эътироф карданд, ки Ҷохар Тсарнаев ва бародари ӯ Темирлан Тсарнаев дар ҳамла ба марафон ё дави Бостон се нафарро кушта, 250 тани дигарро маҷруҳ карданд. Аммо онҳо далел оварданд... Читать дальше...
Президент Доналд Трамп ба суолҳои додситони махсуси ИМА Роберт Мюллер дар бораи эҳтимоли дахолати Русия ба интихоботи президентии соли 2016 дигар посух намедиҳад. Ин нуктаро вакили дифои президенти ИМА Рудолф Ҷулианӣ дар суҳбат бо Hill TV баён дошт. Ҷулианӣ гуфт, раҳбари Кохи сафед ба гуруҳи додситон иттилои кофӣ пешниҳод кардааст. Вакили дифои Трамп пештар дар суҳбат бо Fox News гуфта буд, ки ба мулоқоти шахсии президент бо муфаттишон мухолиф аст. Зеро ба гуфтаи ӯ, онҳо эҳтимол дорад, бо суолҳои худ Трампро ба иштибоҳ андозанд. Читать дальше...
Кормандони Хадамоти давлатии мубориза бо ҷиноятҳои иқтисодии Қирғизистон рӯзи 28 декабр Адамқул Жунусов, раҳбари пешини Хадамоти давлатии гумруки ин кишварро аз Озарбойҷон ба Бишкек оварданд. Нисбати Жунусов моҳи августи соли ҷорӣ бо айби "Сӯистифода аз мақоми хизматӣ" ғоибона айб эълон шуда буд. 28 августи имсол додгоҳи ноҳияи Якуми майи шаҳри Бишкеки Қирғизистон қарори ҳабси Жунусовро содир кард. Ба иттилои тафтишот, аз соли 2013 то 2016 Жунусов бо намояндагони ширкати "А." ва дигар масъулони... Читать дальше...
“Аз қафоям касе дод зад ва пурсид, ки оё ман Саша ҳастам? Ду ҷавон буданд. Посух додам, ки не, хато кардед, Саша нестам. Баъдан тарафи автобус тоб хӯрдам, ки онҳо зарбаи нахустинро бо ашёи номаълуме аз пушти сарам заданд”
Биноҳои нави шӯъбаҳои КДАМ дар ноҳияи Шоҳмансури Душанбе, ифтитоҳ шуд. Расонаҳои давлатии Тоҷикистон иттилоъ доданд, ки рӯзи 27-уми декабр дар маросими ифтитоҳи ин бино раиси КДАМ Саймуъмин Ятимов ва раиси шаҳри Душанбе Рустами Эмомалӣ ширкат карданд. Манобеи расмӣ мегӯянд, ки ин бино бо маблағи 3,5 миллион сомонӣ аз сӯи ширкати сохтмонии "Сабр-Аф" бунёд шудааст. Гуфта мешавад, ки бино аз 4 ошёна, аз ҷумла, 8 ҳуҷраи корӣ, бойгонӣ, анбор, ҳаммом, толори варзишӣ ва иншооти ёрирасон иборат мебошад. Читать дальше...
Рӯзи 28-уми декабр дар Душанбе маҷлиси ҳукумати Тоҷикистон баргузор шудааст. Тибқи иттилои дафтари матбуоти раёсати ҷумҳури Тоҷикистон, дар ин нишаст нақшаи кории ҳукумат дар нимсолаи аввали соли оянда мавриди баррасӣ қарор гирифтааст. Манбаъ мегӯяд, ки дар ин нишаст вазири молияи Тоҷикистон дар бораи будҷаи давлатӣ барои соли 2019 ва ҳамчунин таҳияи нишондиҳандаҳои будҷаи давлатӣ барои солҳои 2020-2022 гузориш додааст. Ҳамчунин вазири рушди иқтисод ва савдо Неъматулло Ҳикматуллозода роҷеъ ба масълаҳои марбут ба иқтисоди кишвар... Читать дальше...
Дар як назарсанҷӣ, ки ширкати "Z-Analytics Group" анҷом додааст, 92 дар сади пурсидашудаҳо дар Тоҷикистон гуфтаанд, ки аз фарорасии ҷашни Соли Нав истиқбол хоҳанд кард.
Дар шаҳри Ишқободи Туркманистон мудирони мактаб ва боғчаҳое, ки барои чорабиниҳои солинавӣ аз волидон пул ҷамъ карданд, ба бозпурсӣ даъват мешаванд. Пештар хабар дода шуд, ки дар боғчаҳои пойтахти Туркманистон аз волидон барои таҷлили соли нав 80-манатӣ (ҳудуди 23-долларӣ) талаб доранд. "Додситонии Ишқобод дар асоси шикояти волидон мудирони мактабу боғчаҳоро ба бозпурсӣ даъват мекунад. Волидон шикоят кардаанд, ки мудирҳо барои чорабиниҳои солинавӣ аз онҳо пул талаб доранд", - хабар додааст "Хроника Туркменистана" бо истинод ба як манбаи худ. Читать дальше...
Ширкати ҳавоии "Сомон Эйр" аз субҳи фардо, 29-уми декабр парвозҳо ба масири Шарм-ул-Шайхи Мисрро оғоз мекунад. Темур Бандишоев, раҳбари раёсати иттилооти ин ширкат ба Радиои Озодӣ бо тасдиқи ин хабар гуфт, ки парвозҳо чартерӣ, яъне дар 10 рӯз як маротиба сурат мегирад. Вай афзуд, ки "масъулони ин парвозҳо ширкати сайёҳии "Компас" аз Қазоқистон буда, дар Тоҷикистон ба ҷалби мусофирон ва сайёҳон ширкати маҳаллие машғул аст". Ба гуфтаи Темур Бандишоев, нархи парвоз бо шумули истироҳати 10-рӯзаи сайёҳон аз 600 доллари амрикоӣ шурӯъ мешавад. Читать дальше...
Ҷоми Осиё-2019 оид ба футбол аз 5-уми январ то 1-уми феврал дар чаҳор шаҳри Имороти Муттаҳидаи Араб – Абу-Даби, Ал-Айн, Дубай ва Шарҷа - доир мегардад.
Додгоҳи ноҳияи Деваштич як сокини 59-соларо, ки ба ҷои героин ба “харидори шартӣ” бар ивази 15 ҳазор сомонӣ бастаи ду кило намаки ошро овардааст, ба 12 соли зиндон маҳкум кард.