Бортников аз таҷаммӯи 5000 ҷангҷӯи ДИИШ дар Афғонистон гуфт
Александр Бортников дар ин бора рӯзи 21-уми май дар нишасти раҳбарони ниҳодҳои амниятии кишварҳои ИДМ дар Душанбе изҳори назар кард. Тоҷикистон бо Афғонистон 1400 километр марз дорад.
Александор Бортников гуфт, вай аз “интиқоли” тақрибан 5 ҳазор ҷангҷӯи ДИИШ ба минтақаҳои шимолии Афғонистон нигарон аст. Вай пешниҳод кард, ки назорати марзҳо сахттар карда шавад.
Вале коршиносони амниятӣ мегӯянд, Русия шумораи ситезаҷӯёнро барзиёд нишон медиҳад. Ба гуфтаи онҳо, Маскав аз як сӯ мехоҳад таблиғоти худро аз Толибон тавҷеҳ кунад. Ва аз тарафи дигар, ба гуфтаи онҳо, ба ҳукуматҳои Осиёи Марказӣ нишон медиҳад, ки барои ҳимоят аз онҳо кумаки Русия зарур аст.
Бино ба ҳисоби низомиёни амрикоӣ, дар Афғонистон ҳудуди 2 ҳазор ҷангҷӯи ДИИШ қарор доранд.