Кобул мизбони нишасти мақомоти баландпояи низомии минтақавӣ
Мақомоти Афғонистон ва Покистон рӯзи 13-уми феврал гуфтанд, ки ба нишасти Кобул генерал Қамар Ҷовид Баҷва - раҳбари ситоди нерӯҳои Покистон ва мақомоти баландпояи низомӣ аз кишварҳои Осиёи Марказӣ даъват шуданд.
Қарор аст, дар ин ҷамъомад намояндагони Иёлоти Муттаҳидаи Амрико ва НАТО, бо шумули генерали амрикоӣ, раиси ситоди нерӯҳо Ҷозеф Вотел ва генерал Ҷон Николсон, фармондеҳи нерӯҳои ИМА дар Афғонистон иштирок кунанд.
Ҳузури Баҷва дар ин нишаст муҳим арзёбӣ мешавад, зеро ҳам Афғонистон ва ҳам ИМА, дар заминаи ҳузури ҷангҷӯён дар қаламрави он кишвар, фишорро ба Покистон афзоиш додаанд. Исломобод паноҳ додан ба ҷангҷӯёнеро, ки Афғонистонро мавриди ҳамла қарор медиҳанд, рад мекунад.
Интизор меравад, дар нишасти Кобул масъалаи қочоқи маводи мухаддир низ матраҳ шавад. Афғонистон аз бузургтарин истеҳсолкунандаҳои маводи мухаддир, аз ҷумла ҳероин дар ҷаҳон номбар мешавад.