Të premten, më 8 prill, mijëra punëtorë të sektorit publik protestuan para objektit të Qeverisë së Kosovës, duke kërkuar rritje të pagave, zbatim të Ligjit për sigurime shëndetësore dhe njohje të kontributit të viteve ’90. Sindikalistët paralajmëruan greva, nëse kërkesat nuk iu plotësohen. Qeveria e Kosovës ka thënë më herët se Projektligji i pagave, që parasheh rritje të tyre, është në fazën e fundit të hartimit.
