Pamjet nga Pheniani kanë shfaqur udhëheqësin e Koresë së Veriut, Kim Jong Un, shumë të vrenjtur, teksa merrte pjesë në një shërbim përkujtimor, për shënimin e përvjetorit të dhjetë të vdekjes së babait të tij. Si pjesë e përkujtimit kombëtar, koreanoveriorëve iu është ndaluar shfaqja e çfarëdo shenje lumturie. Kufizimet përfshijnë një ndalesë të qartë të të qeshurit, dhe të pirjes së alkoolit, gjatë periudhës 11-ditore të zisë. Në përvjetorin e saktë të vdekjes së Kim Jong Ilit, më 17 dhjetor, qytetarëve të Koresë së Veriut iu ndalua edhe dalja jashtë për të blerë gjëra ushqimore. (Përgatitën: Trim Haliti dhe Ibrahim Berisha)
