Një politikan serb mbuloi me ngjyrë muralin e të dënuarit serb për krime lufte, Ratko Mlladiq, në një rrugë të Beogradit. Incidenti ndodhi një ditë pasi policia ndaloi dy aktiviste të të drejtave të njeriut, të cilat hodhën vezë në drejtim të muralit. Aktivistet u liruan, mirëpo policia vendosi një kordon për të bllokuar qytetarët që protestuan kundër muralit, si dhe disa mbështetës të krahut të djathtë që brohoritën mesazhe mbështetjeje për Mlladiqin.
