Mjekët në Mianmar protestojnë kundër dhunës policore

Punëtorët shëndetësorë dolën në rrugë në Mianmar – që njihet edhe si Birmani - për të kundërshtuar dhunën e forcave të sigurisë ndaj protestuesve, të cilët janë kundër grusht shtetit dhe kërkojnë kthimin e një qeverie civile.


Mianmari është përballur me trazira që nga 1 shkurti pasi ushtria e zbatoi një grusht shtet dhe rrëzoi nga pushteti udhëheqësen, Aung San Suu Kyi.


Forcat e sigurisë kanë goditur protestuesit me forcë vdekjeprurëse.




Qindra mjekë dhe infermierë duke mbajtur fotografitë e udhëheqëses Suu Kyi marshuan në Mandalay, qyteti i dytë më i madh i Mianmarit, që njihet edhe si kryeqyteti kulturor i vendit.


Gati 250 vdekje janë konfirmuar pas grushtit të shtetit, sipas Shoqatës së Ndihmës për të Burgosurit Politikë (AAPP), edhe pse numri i vërtetë mund të jetë më i lartë.


Më shumë se 2.300 të tjerë janë arrestuar, tha grupi.


Kundërshtimi ndërkombëtar nga Shtetet e Bashkuara, Bashkimi Evropian dhe Kombet e Bashkuara deri më tani nuk kanë arritur të ndalin trazirat.


Ministrat e Jashtëm të Bashkimit Evropian pritet të miratojnë sanksione kundër 11 zyrtarëve të juntës në një takim më 22 mars.