Shpërthimi i një zjarri ka shkatërruar kampin e migrantëve Moria në ishullin grek të Lesbos. Rreth 25 zjarrfikës dhe 10 pajisje tjera kanë luftuar zjarret ndërkohë që migrantët janë evakuuar. Gjendja shëndetësore e disa prej tyre është rënduar për shkak të ekspozimit ndaj tymit. Në Moria strehohen rreth 13,000 persona, apo katër herë më shumë sesa kapaciteti zyrtar i kampit.
