Raportohet se Stephen Biegun mund të jetë ambasador i SHBA-së në Rusi
Ambasadori aktual, ish-guvernator në Utah, Jon Hunstman, që do të largohet nga Moska më 3 tetor, është raportuar se mund të kandidojë sërish në pozitën e guvernatorit.
Ai ka shërbyer në Rusi, nga tetori i vitit 2017.
Biegun, që është i njohur si ekspert për Rusinë, ka kaluar kohë në Këshillin për Siguri Kombëtare, gjatë udhëheqësisë së ish-presidentit amerikan, George W. Bush, si ndihmës për çështje të sigurisë.
Beigun nuk ka komentuar raportimet e Vox News, të cilat janë publikuar fillimisht, derisa Departamenti amerikan i Shtetit i ka thënë agjencisë së lajmeve, Reuters se nuk ka ndonjë njoftim “administrativ” që duhet bërë.
Marrëdhëniet në mes të Shteteve të Bashkuara dhe Rusisë janë në një cikël tensionesh që kanë nisur më 2014, kur Moska ka aneksuar Krimenë nga Ukraina.
Përveç kësaj, agjencitë amerikane të inteligjencës kanë vërtetuar se Rusia ka ndërhyrë në zgjedhjet presidenciale të vitit 2016 në SHBA dhe do të synojë të veprojë njëjtë në zgjedhjet e vitit 2020.
Si i dërguar special në Korenë Veriore, Biegun ka tentuar të rikthejnë negociatat për denukelarizim pasi presidenti Trump është takuar me liderin verikorean, Kim Jong Un, në dy samite.
Megjithatë Beigun duhet të ketë miratimin e Senatit për të fituar pozitën e ambasadorit në Rusi.