Partia Përparimtare Serbe dhe Partia Socialiste e Serbisë kanë bërë publikë emrat e ministrave të Qeverisë së re të Serbisë, që do të udhëhiqet nga Ana Bërnabiq. Lideri i socialistëve, Ivica Daçiq, do të jetë ministër i Punëve të Jashtme, kryetar i Byrosë së Koordinimit të Shërbimeve të Sigurisë dhe zëvendëskryeministër i parë. Ai rikthehet pas dy vjetësh në krye të diplomacisë serbe. Branisllav Shashiq, ish-drejtori i Agjencisë së Sigurisë së Informacionit (BIA) do të jetë ministri i ri i Punëve të Brendshme të Serbisë. Читать дальше...
Organizata për Energji Bërthamore e Iranit tha se një server e-mailash i kësaj organizate është hakuar nga një shtet i huaj, raportoi media shtetërore më 23 tetor. Kjo organizatë tha se hakerët kanë publikuar disa informacione në internet. Ky njoftim vjen një ditë pasi grupi i hakerëve iranianë, Black Reward, pretendoi se ka hakuar sistemin e brendshëm të postës elektronike të Kompanisë iraniane për Prodhimin dhe Zhvillimin e Energjisë Bërthamore. Ky grup deklaroi përmes rrjeteve sociale se mbështet protestat që po vazhdojnë në Iran... Читать дальше...
Antigona Seferi, nënë e dy fëmijëve, e cila sapo ka kaluar të 40-tat dhe jeton në Shkup, dy vjet më herët ishte diagnostikuar me kancer në gji. Për këtë sëmundje Seferi mësoi pasi bëri mamografinë dhe ekografinë e kraharorit, jo për shkak të ndonjë shqetësimi në gji, por pasi ndiente plogështi pas kalimit të infektimit me COVID-19. “Nuk kisha simptoma, por pasi bëja kontrolle të rregullta, mbase ishte një instinkt i brendshëm, një ndihmë nga Zoti që më detyroi të shkoj te mjeku dhe ta zbuloj sëmundjen”, tregon ajo për Radion Evropa e Lirë. Читать дальше...
Qeni i Sharrit është një kujdestar i padiskutueshëm i kopesë, i cili pa ngurrim përleshet me ujqërit dhe arinjtë për të mbrojtur delet dhe bagëtitë e tjera. Kështu i përshkruajnë qentë e tyre disa prej bashkëbiseduesve të Radios Evropa e Lirë. Në të njëjtën kohë, thonë ata, kjo racë e qenve është shumë besnike dhe shumë e dashur. Këto karakteristika të qenve të Sharrit mund të vlejnë edhe për pronarët e tyre, të cilët deklarojnë se nuk do t’i shisnin qentë e tyre as nëse u ofrohen disa mijëra euro. Читать дальше...
Një avion ushtarak rus është përplasur për një ndërtese banimi në qytetin siberian, Irkutsk, më 23 tetor, duke vrarë të dy pilotët, thanë autoritetet. “Nuk ka viktima në mesin e popullatës”, tha Ministria ruse për Situata Emergjente. Zyrtarët thanë se avioni luftarak i llojit Sukhoi SU-30 u rrëzua teksa po zhvillonte një fluturim trajnues. Ky incident vjen disa ditë pasi një avion tjetër luftarak rus u përplas pranë një ndërtese banimi në qytetin Jevsk, në Detin Azov, duke lënë të vrarë 15 persona dhe duke plagosur 19 të tjerë. Читать дальше...
Më 2009, Irene Dikova, ka qenë skiatore alpine dhe vrapuese e jashtëzakonshme. Mirëpo asaj i ka rënë bota mbi kokë në moshën 19-vjeçare, kur e ka marrë lajmin që ia ka ndryshuar jetën përgjithmonë. Ajo është diagnostikuar me fibrozë cistike, një sëmundje e trashëguar që shkakton dëme të mëdha në mushkëri, sistemin e tretjes dhe organe tjera në trup. Tetë vjet më vonë, në moshën 27-vjeçare, situata shëndetësore e Dikovas është përkeqësuar dhe ajo është përballur me probleme të mëdha në frymëmarrje. Читать дальше...
Presidentja e Kosovës, Vjosa Osmani, tha se kërkesa që njohja reciproke të jetë pjesë e një marrëveshjeje finale me Serbinë është domosdoshmëri, dhe tërheqjen e kësaj kërkese Kosovës nuk ia kanë kërkuar as Shtetet e Bashkuara dhe as Bashkimi Evropian. Gjatë një konference për media në Prishtinë, pas takimit me homologun e saj nga Malta, George Vella, Osmani u pyet të komentonte deklaratat e të dërguarit të SHBA-së për Ballkanin Perëndimor, Gabriel Escobar, që Kosova të mbështesë një marrëveshje me Serbinë, që nuk përfshin njohjen reciproke. Читать дальше...
Një grup militant palestinez e ka akuzuar Izraelin për vrasjen e një prej anëtarëve të tij të lartë, në një sulm në Bregun Perëndimor. Ky grup është zotuar se do të kundërpërgjigjet fuqishëm, teksa tensionet në këtë pjesë janë rritur. Tamer Kilani, lideri i grupit “Strofka e Luanëve” u vra pasi një bombë që ishte vendosur në një motoçikletë të parkuar pranë, shpërtheu gjatë natës më 23 tetor. Shpërthimi ndodhi në qytetin Nablus, ku përleshjet midis militantëve palestinezë dhe forcave të sigurisë së Izraelit ndodhin pothuajse çdo ditë. Читать дальше...
Presidenti i Kinës, Xi Jinping, ka promovuar aleatët e tij më të ngushtë në trupin udhëheqës të Partisë Komuniste. Ai konsolidoi edhe më shumë pushtetin, pasi më 23 tetor mori mandatin e tretë presidencial. Xi emëroi në Komitetin e Përhershëm të Byrosë Politike katër aleatë të tij – përfshirë edhe dy ish-sekretarët e tij – të cilët mbështesin vizionin e tij për kontroll më të fortë mbi shoqërinë dhe ekonominë. Shefi aktual i Partisë në Shangai, Li Qiang, pritet të marrë postin e kryeministrit nga Li Keqiang... Читать дальше...