Që nga shpallja e pavarësisë së Kosovës, më 17 shkurt të vitit 2008 e deri më sot, pritjet e të rinjve nuk janë realizuar dhe gjendja e tanishme, sipas tyre, nuk është e mirë. Në një anketë të realizuar nga Radio Evropa e Lirë ata shprehen të zhgënjyer. Pamundësia për të lëvizur pa viza drejt vendeve të Bashkimit Evropian dhe punësimi i të rinjve janë dy nga çështjet e papërmbushura përgjatë këtyre 11 viteve të shtetësisë së Kosovës.
