Shtetet e Bashkuara kanë tentuar të minimizojnë dëmin e rrëzimit të një aeroplani rus në bregun e Sirisë, ndonëse zyrtarët kanë shprehur keqardhje dhe kanë thënë se do të vazhdojë fushata për luftimin e militantëve të grupit ekstremist, Shteti Islamik (IS).
Komentet e 18 shtatorit kanë ardhur pasi zyrtarët rusë kanë njoftuar se forcat siriane kanë rrëzuar paqëllim aeroplanin II-20, mirëpo po ashtu kanë fajësuar Izraelin për kryrje të sulmeve ajrore ndaj forcave siriane të po të njëjtën kohë.
Zyrtarët amerikanë kanë thënë se forcat amerikane nuk kanë rol në këtë incident.
Sekretari amerikan i Shtetit, Mike Pompeo ka nisur një deklaratë për të shprehur keqardhje për incidentin, në të cilin kanë mbetur të vdekur 15 rusë.
Ai ka kritizuar Iranin, i cili është raportuar se ka transportuar armë të sofistikuara drejt luftëtarëve të Hezbollahut në Liban.
Izraeli ndërkohë ka nisur sulme në Liban dhe Siri, duke tentuar të parandalojë ambiciet e Hezobollahut në këto rajone.
Sekretari amerikan i Mbrojtjes, Jim Mattis, u ka thënë gazetarëve se ky rast komplikon marrëdhëniet në mes të Qeverisë së Sirisë dhe asaj të Rusisë, mirëpo nuk do të ketë ndikim në fushatën e Shteteve të Bashkuara për të mposhtuar luftëtarët e IS-it në Siri.
Mattis ka thënë se ky incident duhet të jetë rikujtim pse SHBA-ja mbështet përpjekjet e Kombeve të Bashkuara në luftën civile shtatëvjeçare.
Presidenti amerikan, Donald Trump e ka cilësuar incidentin “gjë shumë të keqe” se në “situatë jo të mirë”.
