Iran: Arrestohen 230 të rinj për pjesëmarrje në ahengje
Agjencia gjysmë-zyrtare e lajmeve iraniane, ka raportuar se policia në Teheran, më 21 dhjetor, ka arrestuar 140 të rinj, të cilët po festonin në periferi të kryeqytetit dhe 90 të tjerë, në lagjet e pasura në veri të qytetit. Të rinjtë janë arrestuar teksa po vallëzonin dhe pinin alkool.
Pirja e alkoolit dhe ndejat ku marrin pjesë burrat dhe gratë është e paligjshme, sipas ligjit islamik, që është në fuqi në Iran.
Shefi i policisë së moralit, Zolfaghar Barfar, ka thënë droga psikotrope dhe alkool janë konfiskuar gjatë këtij aksioni policor.
Ai ka thënë po ashtu se “disa këngëtarë” janë po ashtu në mesin e të arrestuarve.