په افغانستان کې د امریکايي ډالر په مقابله کې د افغانۍ ارزښت تر ناڅاپه ټیټېدو وروسته خلک وايي چې د خوړو نرخونه هم زيات شوي دي. عام خلک زياتوي چې پر لویو سوداګرو او شتمنو کسانو د افغانۍ نرخ کمېدل اغیز نه کوي خو د بې وزله خلکو مشکلات ورسره زیات شوي. بلخوا د افغانستان مرکزي بانک د افغانۍ نرخ د لوړېدو لپاره یو شمېر اقدامات کړي دي چې په مرکزي بانک کې د نقدو افغانیو ذخيره کول هم پکې شامل دي. خو د اقتصادي چارو پوهان وايي چې دغه ګامونه د افغانۍ د ثبات لپاره اوږد مهاله حل نه دی. د فرانس پرېس خبري اژانس له ویډیو جوړ راپور.
