په پېښور کې نرښځیانو د احتجاج په مهال له حکومته د خوندیتوب غوښتنه کړې ده. د اګست پر نهمه په مظاهره کې شریکو نرښځیانو وویل چې له ۲۰۱۵ز کال څخه د ۲۰۲۴ز کال تر مې میاشتې په خیبر پښتونخوا کې ۱۵۰ نرښځیان وژل شوي او په ۳۰۰۰ نرښځیانو تشدد شوی دی، خو په دې کې ککړو کسانو ته هېڅ سزا نه ده ورکړل شوې. دوی وویل چې د تشدد دا لړۍ اوس زیاته شوې ده. دوی غوښتنه وکړه چې حکومت د دوی د حقونو د خوندي کولو لپاره سمدستي اقدامات وکړي. ویډیویي رپورټ
