د دې اوونۍ د "هارون باچا هنري ګړۍ" خپرونې مېلمه د خيبر پښتونخوا د ملاکنډ يو پېژندلی سندرغاړی سردار يوسفزی دی. نوموړي ګڼې سندرې ويلي چې د کېسټونو او انټرنېټي ويډيګانو له لارې خلکو ته رسېدلې دي. د يوسفزي ځينې سندرې مشهورې شوې هم دي. خو نوموړی وايي چې له تېرې څه مودې راهيسې يې د روزګار غمونه سېوا او هنري کارونه ټکڼي شوي دي. د سردار يوسفزي دا خبرې او ځينې سندرې يې په خپرونه کې اورېدای شئ.
