بلېنکن د چين پلازمېنې پېکېنګ ته رسېدلی
د ده هدف د امریکا او چین ترمنځ د روان کړکېچ کمول دي.
بلېنکن نن ماسپښین له لوړ رتبه چینايي چارواکو سره خپلې دوه ورځنۍ خبرې پیل کړې.
دا له کله چې د ۲۰۲۱م کال په جنورۍ میاشت کې جو بایډن د امریکا د ولسمشر په توګه خپله دنده پیل کړې، چین ته د یوه لوړپوړي امریکايي چارواکي لومړی رسمي سفر دی.
بلېنکن په فبروري میاشت کې چین ته خپل پلان شوی سفر وروسته له هغې لغو کړ، چې د امریکا پر فضا د چین یو مشکوک استخباراتي بالون کشف او وویشتل شو.