شریف: تاوتریخجنو اعتراضونو کې ښکېل کسان به د تروریزم په تور محاکمه شي
شریف نن په خپلو څرګندونو کې همدا راز ژمنه وکړه چې هغه کسان به محاکمې ته راکاږل شي چې په لاهور کې یې د پوځ د یوې قول اردو د قوماندان د استوګنځي په سوځولو کې لاس درلوده.
شریف امنیتي چارواکو ته ۷۲ ساعته مهلت ورکړ څو په تاوتریخوالي کې ښکېل ټول کسان ونیسي.
عمران خان چې د فساد په لسګونه قضیو کې تورن دی، د سې شنبې په ورځ د فساد ضد محکمې له خوا ونیول شو خو پلویانو یې په ټول پاکستان کې اعتراضونه پیل کړل.
نوموړی پرون جمعه د محکمې د حکم په اساس د دوو اوونیو لپاره په ضمانت خوشې شو، خو لا هم د تاوتریخوالي له پارونو نیولې تر فساد پورې په شاوخوا سلو نورو قضیو کې تورن دی.