په ایران کې معترضانو یوه نوې تګلاره پیل کړې
په داسې حال کې چې د ایران د حکومت پرضد د اعتراضونو څلورمه میاشت پیل شوې، پر ټولنیزو شبکو د خپرو شویو راپورونو له مخې خلکو پرون دوشنبې د تهران په یو شمېر سیمو کې واټونو او کوڅو ته د راوتلو پر ځای د کړکیو له شا د حکومت پرضد شعارونه ورکول.
په عین حال کې د مشهد او کرمانشاه ښار په واټونو کې د خلکو تازه اعتراضونه پرون هم روان وو.
د سپټمر په ۱۶مه وروسته له دې چې ۲۲ کلنه پېغله مهسا امیني د ګشت ارشاد د پولیسو له خوا د پوره حجاب د نه مراعاتونو په پلمه ونیول شوه او وروسته هغې په توقیف کې سا ورکړه، د ایران په بېلابېلو ښارونو کې د حکومت پرضد پراخ اعتراضونه پیل شوي دي.