چارواکي: په زابل کې د کرونا مثبتې پېښې بیا ډېرې شوي

په زابل کې د عامې روغتیا ریاست وايي، په دغه ولایت کې د کرونا مثبتې پېښې یو وار بیا ډېرې شوي دي.



په زابل کې د طالبانو د حکومت د عامې روغتیا ريیس ډاکتر عبدالحکیم حکیمي نن ازادي راډیو ته وویل چې په وروستیو درېیو میاشتو د ۷۰۰ تنو کرونا تشخیص شوې او څو تنه ورڅخه مړه شوي دي.


هغه وویل: "په وروستیو درېیو میاشتو کې د کرونا پېښو شدت موندلی، ۷۰۰ مثبتې پېښې ثبت شوي، د ۵۰ تنو درملنه په روغتون کې شوې او څلور تنه له دې ناروغۍ مړه شوي دي."


ده په عین حال کې وویل چې په زابل کې یوازیني روغتون چې د کرونا د ناروغانو درملنه کوله د مالي ستونزو له کبله تړل شوی دی.