جرمني په درو د افغانانو وهل له انساني کرامت سرغړونه وبلله
په تازه غبرګون کې پرون د افغانستان لپاره د جرمني سفارت، چې دا مهال په برلین او دوحه کې فعالیت کوي ،د درو وهل د انساني کرامت سرغړونه بللې او له طالبانو یې غوښتي چې د ملګرو ملتونو د شکنجې د منعې کنوانسیون مراعات کړي.
د طالبانو د بهرنیو چارو وزارت ویاند عبدالقهار بلخي بیا د جرمني دغې اندېښنې ته په ځواب کې لیکلي، اسلامي شریعت پر عدالت ولاړ دی.
طالبانو تېره اونۍ د درېیو ښځو په ګډون ۱۴ کسان په لوګر ولایت کې د اخلاقي جرمونو او غلا په تړاو عام محضر کې په درو ووهل.