ايراني ځواکونه: د خبريال 'رضا حقيقت' مړی مو په پټه خاورو ته سپارلی
راډیو فردا د حقیت نژاد د قبر هغه عکس پر خپل ټویټر خپور کړی، چې سپاه پاسداران د هغه پلار ته لېږلی دی.
رضا حقیقت نژاد د سرطان ناروغۍ له کبله دوې اوونۍ مخکې په برلین کې مړ شو، چې تېره سې شنبه یې مړی تهران ته ولېږدول شو.
د راډیو فردا د راپور له مخې، د شېراز په هوايي ډګر کې د سپاه پاسداران مامورانو د حقیقت نژاد مړی د هغه له کورنۍ غلا او نامعلوم لوري ته یووړ.
د ازادې اروپا/ ازادۍ راډیو عمومي رئیس، جیمي فلای ویلي، چې د رضا او د هغه کورنۍ په وړاندې د ایران د رژیم دا ظالمانه اقدام ډېر ناوړه دی.