افغان غېږ نيونکی محمد ابراهيم خدري ترکمني وفات شو
د راپورونو له مخې نوموړی چې د عمر د زړښت له امله د کابل په یوه روغتون کې بستر و، پرون یې ساه ورکړه.
د افغانستان دغه پېژندل شوي غېږ نیونکي په ۱۹۶۲ کال په اندونیزیا کې د غیږ نیونې په آسیايي لوبوکې د برونزو مډال ترلاسه کړی و. نوموړی چې په پهلوان ابراهیم مشهور و، په ۱۹۶۰ او ۱۹۶۴ کلونو کې د المپیک په لوبو کې هم ګډون کړی و خو د کوم مډال په اخیستو نه وو بریالی شوی.