د ترکیې ولسمشر وايي، پر اوکراین د روسیې حمله د منلو نه ده

د ترکیې ولسمشر رجب طیب اردوغان وايي، پر اوکراین د روسیې حمله د منلو نه ده، خو ټینګاریې وکړ چې هېواد به یې له دواړو لورو سره روابط ساړه نه کړي.


اردوغان چې پرون یې د کابینې په غونډه کې څرګندونې کولې، دغه راز وویل چې هېواد به یې د ناټو د غړي په توګه له خپلو متحدانو سره په کړو ژمنو ودریږي، خو په عین حال کې د خپلو ملي ګټو په خاطر نه غواړي چې سیمه له پامه وغورځوي.


اردوغان زیاته کړه چې ترکیه له اوکراین او له روسیې سره ګډه پوله لري او له دواړو هېوادونو سره به خپلې نژدې اړیکې وساتي.