هېدر بار: د ښځو د حقونو دوه فعالانې باید ژر تر ژره خوشې شي
هیدر بار بېګا په خپل ټوېټر باندې دا خبره لیکلې ده.
هغې ویلي:" له چهارشنبې راهیسې دا دوه افغانې فعالانې ترۍ تمې دي طالبان که څه هم دا ردوي چې هغوی ورسره دي خو د ځای د معلومولو لپاره یې هم هېڅ پلان نه ورکوي."
هیدر بار د امریکا د خاص استازي توماس وېسټ په وروستي بیان هم انتقاد کړی چې ویلي یې دي ،له طالبانو سره د پرانیستو سترګو ډیپلوماسي کوو.
بار نیوکه کړې چې ولې د پرانیستو سترګو په دې ډیپلوماسي کې د ښځینه معترضینو د یرغمل نېونې په تړاو غږ نه پورته کېږي.
طالبان د ښځو د حقونو د دوو فعالانو پروانه ابراهیم خېل او تمنا زریاب پریاني په بندیانولو باندې تورن شوي.
د طالبانو ویاندویانو بیا دا ادعاوې رد کړي او ویلي یې دي چې دا ښځې دوی نه دي بندیانې کړي.