۲۰ اورېز جام؛ د افغان کرکټ لوبډلې حریفان مشخص شول
د کرکټ نړیوالې شورا د نن ورځې د اعلامیې له مخې، افغانستان به د نړیوال جام په اول ګروپ کې له اسټرالیا، انګلستان او نیوزلنډ سره مسابقه وکړي.
په پام کې ده افغانستان د غوراوي پړاو له دوو ټیمونو سره هم مسابقه وکړي چې وروسته به مشخص شي.
د ۲۰۲۲ کال د کرکټ د شلو اوورونو نړیوال جام سیالۍ د اکتوبر میاشتې له ۱۶مې د نوومبر تر ۱۳مې په اسټرالیا کې کېږي.
افغانستان د شلو اورونو په نړیوال جدول کې اووم مقام لري.