د کرکټ په شل اووریزه نړیوال جام سیالیو کې افغانستان لومړۍ بریا خپله کړه.
له سکاټلند سره په دې لوبه کې ټاس یا پچه افغان لوبډلې وګټله او د منډو جوړولو پرېکړهیې وکړه او په ټاکلو ۲۰ اورونو کې یې مقابلې لوبډلې ته د ۱۹۱ منډو هدف وټاکه، خو سکاټلند دا هدف پوره نهشو کړای او ټوله لوبډلهیې په ۶۰ منډو وسوځېده.
د افغانستان په توپ اچوونکو کې مجیبالرحمن ځدراڼ د سکاټلند پنځه لوبغاړي وسوځول او د لوبې د غوره لوبغاړي جایزهیې ترلاسه کړه.
راشد خان څلور او نوینالحق د سکاټلند یو لوبغاړی وسوځول او افغان لوبډلهیې بریالۍ کړه.
د توپ وهنې په برخه کې بیا نجیب ځدراڼ تر نورو افغان لوبغاړو ښه وځلېده او ۵۹ منډې یې وکړې.
دا شان رحمانالله ګربز ۴۴، حضرت ځاځي ۴۰، محمد شهزاد ۲۲ او لوبډلمشر محمد نبي ۱۱ منډې وکړې.
افغان لوبډلې د دې سیالیو په تمریني لوبو کې وېسټ انډیز ته ماتې ورکړې وه، خو د سوېلي افریقا په وړاندې یې ماتې وخوړه.
افغان لوبډله به راتلونکې لوبه د روانې اکټوبر په ۲۹مه د جمعې په ورځ د پاکستان په وړاندې ترسره کوي.
