د کرکت نړېوالې شورا په تازه درجه بندۍ کې چې پرون چهارشنبه (د وري ۱۱مه) یې اعلان کړه افغان لوبغاړی محمدنبي عیسی خېل د نړۍ له دوهم نمبر الراونډر څخه درېیم ځای ته راکښته شوی.
د نبي عیسی خېل څخه دوهم ځای د انګلستان لوبغاړي بین سټوکس خپل کړی، هغه د هند پر وړاندې یو ورځنیو لوبو کې په زړه پوري لوبې وکړې.
خو د شل اوریزه سیالیو په نړیواله درجه بندي کې بیا محمدنبي لا هم د نړۍ لومړی نمبر الراونډر دی.
په نړېوالو شل اووریزو سیالیو کې بیا محمد نبي لومړی او شکیب الحسن دوهم ځای لري.
څو ورځې وړاندې هم په شل اووریزه سیالیو کې د توپ اچونکو درجه بندي اعلان شوه چې راشدخان له لومړي ځای څخه دوهم ځای ته راکښته شوی.
د راشدخان څخه لومړی ځای د سویلي افریقا سلو توپ اچونکي تبریز شمسي خپل کړی.
