امریکا کې د روسیې سفیر نن د اضطراري سلا مشورې لپاره مسکو ته ستون شو
د امریکا د ولسمشر جو بایډن لهخوا د هغه روسي سیال ولادیمیر پوتین ته د «قاتل» خطاب کولو د دواړو هېوادونو ترمنځ کړکېچ نور هم زیات کړ.
ولسمشر بایډن دا خبره څو ورځې مخکې په یوه ټلویزیوني مرکه کې وکړه چې وروسته ولادیمیر پوتین سم د لاسه په ځواب کې وویل چې د امریکا ولسمشر ته د ښه صحت هیله کوي. ده ویلي وو خلک هغه څه چې په ځان کې ګوري، په نورو کې هم ګوري.
تر دې مخکې د امریکا په یوه استخباراتي راپور کې ویل شوي و چې ولسمشر پوتین د روسیې ځینو حکومتي ادارو ته سپارښتنه کړې وه چې د امریکا د ولسمشرۍ په تېرو ټاکنو کې د بل کاندید ډونالد ټرمپ په پلوي لاسوهنه وکړي.
کرملېن دا تورونه رد کړي او ویلي یې دي، دغه راپورونه بېاساسه دي.
د واشنګټن لپاره د روسیې سفیر اناتولي انتونوف نن مسکو ته ورسېد، روسیې تېره اوونۍ د ده د وربللو غوښتنه کړې وه.