امنیتي مسئولین: لوګر کې ۹ وسله وال طالبان وژل شوي
په پکتیا کې د ۲۰۳ تندر قول اردو مطبوعاتي مسول ایمیل مومند ازادي راډيو ته وویل، چې تېره شپه ناوخته وسله والو طالبانو د لوګر ولایت د برکي برک ولسوالۍ اړوند د تقې په سیمه کې پر افغان ځواکونو برید وکړ، چې یاد برید د افغان هوايي او ځمکني ځواک په ملتیا له ځواب سره مخ شوی.
مومند وایي، په دې نښته کې ۹ وسله وال طالبان وژل شوي او ۳ نور ټپیان شوي دي.
دی وایي، په دې نښته کې افغان امنیتې ځواکونو ته کوم زیان نه دی اوښتی.
وسله والو طالبانو هم تر اوسه په دې اړه رسنیو ته څه نه دي ویلي.