پاکستان د افغانستان لپاره خپل نوی سفیر وټاکه
د پاکستان په بهرنیو چارو وزارت کې یوې سرچینې ازادي راډیو ته وویل، نن سبا کې به دغه ګمارنه په رسمي ډول اعلان شي.
له دې وړاندې د پاکستان یوې ورځپاڼې هم د دغې ګمارنې راپور ورکړی و.
منصور خان به په کابل کې د ذاهد نصرالله خان ځای ناستی شي چې دا مهال په افغانستان کې د پاکستان د ډیپلوماتیک ماموریت مشري ور له غاړې ده.
پاکستان خپل سفیر داسې مهال بدلوي چې وروستیو ورځو کې یې د پوځ مشر کابل ته راغلی و او له چارواکو سره یې د سولې بهیر په اړه چې اوس حساس پړاو ته رسیدلی، خبرې وکړې.