افغانستان کې تېرو ۲۴ ساعتونو کې تر ۹۰۰ زیات کسان په کرونا اخته شوي
دغه وزارت نن په یوه معلوماتي پاڼه کې ویلي، په دې موده کې ۹ کسان مړه شوي او ۱۷۸ تنه نور روغ شوي دي.
له دې سره په افغانستان کې په کرونا ویروس د اخته کسانو شمېر نږدې ۱۹،۰۰۰ ته رسېدلی دی. په افغانستان کې په ټوله کې له کرونا ویروس څخه ۱،۷۶۳ تنه روغ شوي دي.
د روغتیا وزارت مرستیال ویاند توحید شکوهمند نن سهار ازادي راډیو ته وویل، په هېواد کې د کرونا ویروس مثبتې پېښې په زیاتېدو دي.
د روغتیا وزارت د معلوماتو له مخې د کرونا ویروس ډېری مثبتې پېښې په کابل کې ثبت شوې دي.
راپورونه وايي په هرات ولایت کې هم د کرونا ویروس پېښې په زیاتېدو دي.
د دغه ولایت د روغتیا ریاست نن په یوه اعلامیه کې وویل چې په تېرو ۲۴ ساعتونو کې په هرات کې د کرونا ویروس ۲۰۰ نورې مثبتې پېښې ثبت شوې دي.
له دې سره په هرات کې په کرونا ویروس د اخته کسانو شمېر تر ۳،۴۰۰ زیات شوی دی.