پاکستان کې د 'کووېډ-۱۹' ناروغانو شمېر ۲۵،۸۳۷ ته ورسېد
دغه اعلان نن له هغه څو ساعته مخکې وشو چې ټاکل شوې اسلاماباد د دې وبا له کبله لګېدلي بندیزونه نرم کړي.
چارواکو وویل، یوازې تېرو ۲۴ ساعتونو کې یې پاکستان کې د 'کووېډ-۱۹' ناروغۍ ۱۵۷۴ مثبتې پېښې ثبت کړې دي.
په سیمه کې له ایران وروسته پاکستان دوهم هېواد دی چې د کرونا ډېرې پېښې لري.
پاکستان کې چې ۲۲۰ میلیونه نفوس لري، کرونا ویروس تر اوسه ۵۹۴ کسان مړه کړي دي.
د دغو پېښو له زیاتېدو سره سره صدراعظم عمران خان ویلي، سر له سبا شنبې به لګول شوي بندیزونه نرم کړي، ځکه داسې وېره شته چې د پاکستان اقتصاد به له زیان سره مخامخ شي.