تر اوسه کرونا ویروس ټوله نړۍ کې ۱۱۴۰۰ کسان مړه کړي
دا شمېر نن، د مارچ په ۲۱، د امریکا جان هاپکنز پوهنتون اعلان کړی دی.
په دې اړه ویل شوي چې ایټالیا کې د مړو شمېر د نړۍ د نورو هېوادونو په پرتله زیات دی.
په دې هېواد کې په کرونا ویروس د اخته وګړو شمېر له ۴۷۰۰۰ اوښتی او تر ۴۰۳۲ زیات وکړي مړه شوي دي.
تر ايټالیا وروسته چین دی او هلته د کرونا ویروس له امله د مړو شمېر ۳۲۵۹ تنه ښودل شوی دی.
له ایرانه رسمي شمېرې څرګندوي چې ۱۴۳۳ تنه د کرونا ویروس له امله مړه شوي خو ډير ایرانیان شک لري چې د هغه هېواد حکومت د کرونا ویروس د تلفاتو شمېر دقیق نه څرګندوي څو هلته د دې ویروس د خپرېدو اندازه کمه وښيي.
د تهران د چارواکو په وینا، په دې هېواد کې تر نن سهاره پورې د کرونا ویروس ۱۹۶۲۰ مثبتې پيښې ثبت شوې وې.