د منځنۍ اسیا د فوټسال په سیالیو کې د افغان ښځینه لوبډلې ګډون
د افغانستان د فوټبال فدراسیون د خپرونو مرستیال شمس امیني نن ازادي راډيو ته وویل چې د دوی تمرینات نن پای ته ورسېدل.
دا لومړی ځل دی چې د افغانستان د فوټسال د ۱۹ کلنو ښځينه لوبډله بهرنیو سیالیو ته ځي.
دغه سیالۍ د روانې جنورۍ میاشتې په ۲۴مه نېټه پیلېږي او د همدې میاشتې تر ۲۹مې نېټې پورې دوام کوي.
د افغانستان د فوټبال فدراسیون د معلوماتو له مخې، په دغه سیالیو کې د افغانستان په ګډون د ایران، ترکمنستان، ازبکستان، قرغزستان او کوربه هېواد تاجکستان لوبډلې ګډون لري.