الېس وېلز: د افغانستان د ټاکنیزو کمیسیونونو پرېکړې ته باید درناوي وشي
مېرمن وېلز په افغانستان کې د جمهوري ریاست ټاکنې بریالۍ بللې دي. د جمهوري ریاست د رسنیو دفتر ویلي چې نوموړې نن (اکټوبر ۱۵مه) له جمهور رئيس محمد اشرف غني سره کتلي دي.
په بیان کې د ولسمشر غني په حواله لیکل شوي چې هېڅ کاندید باید د کمېسیون تر اعلان مخکې د بري ادعا ونه کړي.
د افغانستان د جمهوري ریاست ټاکنې د میزان په شپږمه وشوې.
په کابل کې د ملګرو ملتونو د استازي دفتر (یوناما) نن وویل چې د انتخاباتو په تړاو په وسله والو حملو کې ۸۵ ملکي کسان ووژل شول او ۳۷۳ نور زخمیان شول.
یوناما ویلي چې په افغانستان کې یوازې د انتخاباتو په ورځ ۲۸ تنه په وسله والو حملو کې وژل شوي او ۲۴۹ تنه زخمیان شوي وو.