کرکټ بورډ د بند امیر، بُست او امو زونونو مسؤلین له دندو لېرې کړل
د کرکټ بورډ ویاند فرید هوتک نن ازادي راډیو ته وویل چې د افغانستان د کرکټ بورډ مشرتابه د يادو زونونو د مسؤلینو د کاري پروګرامونو او کړنو له ارزونو وروسته دغه پرېکړه کړې.
د دوی په خبره، د بند امیر زون مشر میر مبارز، د بُست زون مشر مسعود رحماني او امو زون مشر نور عالم فرید چې له شااوخوا پنځو کلونو راهیسې یې د زونونو رهبري کوله، د پام وړ لاسته راوړنې نه درلودې.
د افغانستان د کرکټ بورډ اداره وايي، هېڅ چاته اجازه نه ورکوي چې له کرکټه ناوړه استفاده وکړي او د خپلو شخصي ګټو لپاره کرکټ قرباني کړي.