چارواکي: په میدان وردګ کې په هوايي حمله کې ۱۶ طالبان وژل شوي
د میدان وردګ د والي ویندوی محب الله شریف زوی تېره شپه ناوخته ازادي راډیو ته وویل چې دا شمېر طالبان د نرخ ولسوالۍ د مرکز په یوه کلي کې د بهرنیو ځواکونو په هوايي برید کې ووژل شول.
ده وویل: زموږ د امنیتي اورګانونو په وینا، په وژل شویو کسانو کې د دوی مشهور قوماندانان لکه ملا حبیب الله، ملانبي او مولوي اجمل شامل دي، ملاحبیب الله پخوا د طالبانو د نرخ ولسوال و.
د ښاغلي شریف زوی په وینا، دا برید په داسې مهال وشو چې طالبانو په خپل منځ کې غونډه لرله.
طالبانو تر دې دمه په دې اړه څه نه دي ویلي.