د سره صلیب یوه کارکوونکي د افغانستان د تابعیت سند تر لاسه کړ
البرتوکایروپه خټه د ایټالیا دی خو اته ویشت کاله یې په افغانستان کې خدمت کړی دی.
د ارګ د خبرپاڼې په حواله، جمهور رئیس محمد اشرف غني د البرتوکایرو د خدمت د ستاینې لپاره هغه ته د تابعیت افتخاري سند ورکړ.
ولسمشر غني په یوه ویډیويي پیغام کې چې رسنیو ته هم استول شوی ویلي: د ویاړ ځای دی چې ښاغلي کایرو ته د افغانستان افتخاري تابعیت وړاندې کوم.
د سره صلیب نړیوال سازمان په جګړه ځپلو هېوادونو کې د جګړې له قربانیانو سره بې پرې مرستې کوي.