چارواکي: طالبانو په جوزجان کې ۴۰ تنه اسیران خوشې کړي
د جوزجان امنیه قوماندان عبدالواحد وجدان نن دوشنبه ازادي راډیو ته وویل: "دوی ټول مسافر وو، دوی ټول یې یوځای سره خوشې کړي، یو شمېر اسیر شوي یې مخکې په هماغه اوله ورځ خوشې کړي او خپلو کورونو ته ستانه شوي دي."
د جوزجان امنیه قوماندان له دې مخکې د طالبانو لهخوا د امنیتي ځواکونو د اسیر شویو ۴۳ غړو د خوشې کېدو خبر هم ورکړی و.
طالبانو په یوه خپره کړې خبرپاڼه کې ویلي وو چې اسیر شوي سرتېري یې په سیمه کې د قومي مشرانو په منځګړیتوب په دې شرط خوشې کړي چې بیا د امنیتي ځواکونو له لیکو سره نهیوځای کېږي.