امريکا وايي په افغانستان کې یې دوه پوځيان وژل شوي
له دې سره په روان ميلادي کال کې په افغانستان کې د وژل شويو امريکايي پوځيانو شمېر شپږو ته ورسېد.
دا پېښه پهداسې حال کې کېږي چې پرون د امريکا د بهرنيو چارو وزير مايک پامپيو افغانستان ته ناڅاپي سفر وکړ.
هغه پهدې سفر کې وويل چې واشنګټن تمه لري چې د سپټمبر تر لومړۍ نېټې مخکې د سولې يوه موافقه وشي.
د امريکا پوځ په خپله اعلاميه کې د وژل شويو سرتېرو د وژنې د علت په اړه جزئيات نهدي ورکړي.
په اعلاميه کې ويل شوي، تر هغو چې د دغو سرتېرو کورنيو ته احوال نهوي ورکړل شوى، د هغوى بشپړ هويت نهروښانوي.