برازیل کې څه باندې یو نیم میلیون کسانو د امریکا د مشهورې سندرغاړې مډونا په وړیا کنسرټ کې برخه واخیسته. نور حال په دې ویډیو کې لیدلی شئ:
په غور ولایت کې سېلابونو درانه مالي زیانونه اړولي دي. د طالبانو ځایي چارواکو ویلي چې د دغو سېلابونو له امله لسګونه کورونه او دوکانونه ویجاړ شوي دي. ویل شوي چې ډېری دا سېلابونه په مرغاب ولسوالۍ کې راوتي دي.
دا اوونۍ مو په مشال مرکه کې ډاکتر احسان الله درمل مېلمه کړی دی. نوموړي د طب د زده کوونکو لپاره د فېزیالوژۍ یا د انساني وجود د افعالو پوهنې یو مهم کتاب په پښتو ژباړلی دی. درمل د پکتیا اوسېدونکی دی خو لومړنۍ زده کړې يې د کورمې په سده کې کړې دي. ډاکتر احسان درمل په جرمني کې مېشت دي او هلته په طب کې لوړې زده کړي ترلاسه کوي. ډاکتر درمل په پښتو ژبه شاعري هم کوي. بشپړه مرکه واورئ.
د بلوچستان په پښتون مېشته سیمه پښین کې د مې پر څلورمه او پینځمه په ارزانه بیه د کتابونو پلورلو نندارتون شوی دی. د سړک تر غاړې نندارتون ته د ښار ګڼ اوسېدونکي ورغلل او کتابونه یې واخیستل. د کتابونو پلورونکي وايي چې په نورو پښتون مېشته ضلعو کې هم ورته نندارتونونه جوړوي چې موخه یې خلک د کتابونو لوست ته وربلل دي. ویډیويي رپورټ.
د چمن د پرلتوالو وياند صادق اڅکزي د مې څلورمې پر ماخوستن له مشال راډيو سره په خبرو کې تور پورې کړ چې دوی چې د غرمې ډوډۍ خوړلو ته تللي ول نو د اېف سي ځواک سرتېرو یې پر احتجاجي کیمپ برید وکړ، خیمې یې وسوځولې او پر احتجاجیانو یې ډزې وکړې.
په اسلام اباد د کورمې یوشمېر اوسېدونکو یو کال مخکې پر ښوونځي په حمله کې د څلورو استادانو او درې مزدورانو د وژنې پرضد مظاهره کړې. د مې څلورمې د احتجاج ګډونوالو وویل چې یو کال پوره شو خو حکومت لا هم د وژل شویو له کورنیو سره انصاف نه دی کړی. د ۲۰۲۳ز کال د مې پر څلورمه په کورمه کې د یو تن تر وژنې وروسته پارېدلي کسان په تري منګلو کې په ښوونځي ورغلل او هلته یې ښوونکي او مزدوران ووژل. تر دې وروسته تر ۲۰۰ زیاتو شیعه استادانو تر ډېسېمبر پورې په سني مېشتو ځایونو کې په ښوونځیو کې کار نه کاوه. د کورمې انتظامیه... Читать дальше...
د افغانستان په جوزجان ولایت کې یوې ښځې د قالین ووبدلو کارخانه پرانیستې ده چې پکې ۵۰ ښځې کار کوي. مرضیې رسولي پخوا د ښځو سینګارتون چلاوه خو د طالبانو د حکومت تر بندیز وروسته یې کارخانه پرانیسته. نوموړې وايي، کارخانه یې د ښځو اقتصادي ستونزو هواري لپاره پرانیستې ده. د افغانستان په لاس ووبدلې قالینو په نړیوال کچ جایزې هم ګټلې دي. د اسوشيېټېډ پرېس اژانس له ویډیوګانو جوړ رپورټ.
په داسې حال کې چې د ملګرو ملتونو د چاپېریالي پروګرام د وروستي راپور په اساس په نړۍ کې د خوړو ضایع کېدل یوه ستونزه ده، په ځينو هېوادونو په ځانګړې توګه په کینیا کې یو شمېر بېوزله کسان د ډېر فقر له کبله په کثافت دانیو کې په خوړو پسې ګرځي.
