اسلام اباد: د خیسور پېښې او د عالمزېب مسود نیولو پرضد مظاهره
په اسلام اباد کې د پښتون ژغورنې غورځنګ پلويانو په کراچۍ کې د عالمزېب مسود د نيولو او د شمالي وزيرستان په خيسور کې د امنيتي ځواکونو لخوا په مبينه توګه کورونو ته د ننوتلو پر ضد مظاهره کړې ده. دوی غوښتنه کوي چې عالمزېب مسود دې خوشې کړل شي او په خيسور کې د ماشوم حيات خان وزير کور ته د امنيتي ځواکونو د ننوتلو په اړه دې پلټنې وشي او ککړو ته دې سزا ورکړل شي.
پښتون ژغورنې غورځنګ د پاکستانۍ پلازمېنې اسلام اباد په ګډون په پېښور، کوټه، ډېره اسماعیل خان، ژوب، چمن او د سیند مرکز کراچۍ سره سره په ګڼو نورو ښارونو کې احتجاجي مظاهرې وکړې.
له اسلام باده د پي ټي اېم احتجاج د مشال راډیو په ویډيو کې