افغانستان: له طالبانو سره د ایران روابط اړیکې خرابولای شي

د افغانستان د بهرنیو چارو وزارت وایي، د ایران او افغانستان د دولتونو ترمنځ د بین‌الدولي تعامل له چوکاټه بهر، له طالبانو سره د ایران روابط د دواړو هېوادونو اړیکې خرابولای شي. 


د بهرنیو چارو وزارت سیاسي مرستیال ادریس زمان نن دا خبره پر ټوېټر د ایران د بهرنیو چارو د وزیر محمد جواد ظریف د پرونۍ وینا په ځواب کې کړې ده. 


ظریف د جنورۍ په نهمه په نوي ډيلي کې د هند له ټلوېزیون «NDTV» سره په مرکه کې وویل چې د طالبانو سره استخباراتي تماسونه لري ځکه مجبور دي چې د طالبانو په تر واک لاندې سیمو کې د خپل ګډ سرحد امنیت وساتي.