زلمی خلیلزاد سبا پنجشنبه په بروکسل کې د ناټو له سرمنشي سره ګوري
د ناټو ویب سایټ دا خبره لیکلې چې ینس سټولټنبرګ به له ښاغلي خلیلزاد سره وګوري.
ویل کېږي چې زلمی خلیلزاد به په دې لیدنه کې د افغانستان د سولې په اړه د خپلو هڅو په اړه د ناټو چارواکو ته معلومات ورکړي.
نوموړي د دغو هڅو په ترڅ کې تېره ورځ د ترکمنستان د بهرنیو چارو له وزیر سره ولیدل.
زلمي خلیلزاد له تېرې یوې اوونۍ راهیسي سیمې ته د خپلو سفرونو لړۍ پیل کړې ده چې تر اوسه پاکستان، افغانستان، روسیې، ازبکستان او ترکمنستان ته تللی دی.
تمه ده چې د بلجیم تر سفر وروسته نوموړی متحده عربي اماراتو او قطر ته هم سفر وکړي.