سیګار: افغان حکومت د هغه سیمو د نیولو هڅه کوي چې طالبانو نیولي

د افغانستان د بیارغونې لپاره د امریکا د ځانګړي مفتش ادارې یا سیګار وویل چې د افغانستان حکومت د هغو سیمو د بېرته نیولو هڅې کوي چې د وسله‎والو طالبانو په لاس کې دي، خو د افغانستان د امنیتي او دفاعي ځواکونو تلفات په بې‌ساري ډول زیات شوي دي.


سیګار نن پنجشنبه د نومبر لومړۍ په خپل راپور کې هغه فشار ته چې د کابل حکومت ورسره مخامخ دی اشاره کړې او لیکلي یې دي، د افغانستان د ولسوالیو، ولسونو او خاورې پر کنټرول جنګ په وروستیو څلورو میاشتو کې لا زیات شوی دی.


سیګار په خپل څلور میاشتني راپور کې ویلي چې طالبانو ستر ښارونه نه‎دي نیولي، خو ډېرې کلیوالې سیمې یې په لاس کې دي.


د افغانستان حکومت پر دې مسئله خبرې نه‎دي کړي.