د پاکستان په بلوچستان کې د ډبرو د سکرو په یوه کان کې ۷ تنه وژل شوي

د راپورونو له مخې، د پاکستان په بلوچستان ایالت کې د ډبرو د سکرو په یوه کان کې د چاودنې له امله اوه تنه وژل شوي او شپږ نور تري تم دي چې د دې وېره شته چې هغوی به هم خپل ژوند له لاسه ورکړی وي.


مخکې په دې پېښه کې د څلورو تنو د وژل کېدو او ۱۳ نورو د ورک کېدو خبر ورکړل شوی و.


چاودنه پرون د کوټې د ختیځ په ۵۰ کېلو مترۍ کې د سنجدي په کلي کې شوې وه.


پولیسو په لومړي سر کې ویلي وو چې په کان کې د میتان ګازو د خپرېدو له امله چاودونه شوې، خو د وروستیو راپورونو له مخې، دغه کان پر کان کېندونکو وروسته له هغې راپرېوت چې په سیمه کې د سرنګ پرانۍ لپاره له ډینموټو کار واخیستل شو.


د بلوچستان ایالت د کانونو سرمفتش محمد افتخار وویل، ژغورونکي تر اوسه لګیا دي چې په کان کې لاندې بند پاتې شوي کان کېندونکي راوباسي، خو دی ګومان نه‌کوي چې هغوی به ژوندي وي.