برمک: هیله ده د سولې خبرې یوه دایمي اوربند ته لار هواره کړي
ویس احمد برمک پرون ناوخته ازادي راډیو ته وویل چې داسې راپورونه یې هم ترلاسه کړي چې په یوشمېر سیمو کې وسله وال طالبان د دولت تر کنټرول لاندې سیمو کې د خپلو کورنیو او خپلوانو لیدو ته ورغلي دي.
د ښاغلي برمک په وینا وسله وال طالبان باید د حکومت له دغه باور څخه په دې ښه پوه شي چې سوله یې لومړیتوب دی او دوی هم باید رامخته شي.
ډېری افغانان هم له دواړو خواو د اوربند اعلان او هغه ته له درناوي ډېر خوښ دي او د هغه د تمدید هیله کوي.
د افغانستان حکومت د اختر تر پنځمې او وسله والو طالبانو هم د اختر تر دریمې اوربندونه اعلان کړي دي.