د تاجکستان او قرغزستان سرحدي ساتونکو نښته کړې
د قرغزستان د سرحدونو د ساتنې ادارې ویلي چې شخړه نن د لیلیک په سیمه کې چې د هغه هېواد په جنوب کې پرته ده، تر هغه وروسته پیل شوه چې یو شمېر قرغزي سوداګرو په هغه سیمه کې چې تاجکستان دعوا پرې لري، د موادو په خرڅولو پیل وکړ.
تر دې وسلهوالې نښتې وروسته د قرغزستان سرحدي ساتونکو د تاجکستان له لوري درې مسلح سرحدي ساتونکي د لنډې مودې لپاره نیولي وو، خو وروستهیې خوشې کړل.
په نښته کې څوک نهدي ژوبل شوي.
خو له قرغزستان سره په سرحد کې د تاجکستان د سغد ولایت د والي مرستیال، رستم رحمتزاده نن سې شنبه ازادي راډیو ته وویل چې درې تاجک سرحدي ساتونکي د دواړو هېوادونو د چارواکو ترمنځ د مذاکرو په پایله کې خوشې شوي دي.
چارواکي به نن بیا سره وګوري.
د قزغزستان، تاجکستان او ازبکستان په سرحدي سیمو کې تل د ځمکې پر سر نښتې کېږي.
دا هېوادونه په فرغانه دره کې چې ګڼ مېشته سیمه ده، ګډ سرحد لري.