راپورونه وایي چې د ايران پوليسو د تهران پخوانى څارنوال نيولى
دى د يوه نيول شوي بندي د وژنې په قضيه کې له دوه کلن بند سره مخ دى.
دغه زنداني په ٢٠٠٩ میلادي کال کې د حکومت ضد پراخو اعتراضونو پر مهال نيول شوى و.
ميزان انلاين نن یکشنبه د باخبرو سرچينو په حواله راپور ورکړى چې سعيد مرتضوي د دغه هېواد په شمال کې نيول شوى دى.
د تهران پخوانى څارنوال مرتضوي د يوه زنداني د وژنې په قضيه کې د دخالت په تور د ٢٠١٧میلادي کال په نوامبر کې په دوه کلن بند محکوم شو.
د قضايه قوې وياند غلام حسين محسني اژه اي تېره اوونۍ ويلي وو، د مرتضوي د نيولو امر صادر شوى، خو چارواکي د ده په موندلو نه دي بريالي شوي.